地震 感想

一直覺得地震雖然恐怖，但離自己總是很遠。

尋晚睇咗一個特輯，發覺實際嘅情況比我想象中嘅大好多好多。

原本充滿笑聲嘅籃球場，竟然變成停放學生尸體嘅停尸間。

原本人來人往嘅街道，一片寂靜，頹垣敗瓦。

睇完之后，個心覺得好唔舒服。

真係好希望自己係一個醫生可以去拯救災民，

但實際卻愛莫能助。我諗係現場嘅人，呢種感覺應該會更加強烈吧！

我睇到話，有個記者聽到有小朋友一直嗌救命，雖然揾到但壓係大片瓦礫下，最終只可以眼白白睇住小朋友離去....

以前總覺得捐款只係貪官諗出嚟嘅玩意，有幾多捐款可以正真到需要嘅人手上啊？

不過今次我都係決定主動捐款，雖然唔知道最終嘅成效，

但希望自己可以出一番綿力。

希望大家都可以伸出你嘅援手，幫助失去家園，失去親人嘅災民。